Connect with us

मनोरन्जन

उपत्यकाका हलहरुमा बक्स अफिस लागू

Gorkha Post

Published

on

प्रतिकात्मक तस्बिर

काठमाण्डौ — उपत्यकाका हलहरुमा नेपाली चलचित्र क्षेत्रमा लामो समयदेखि चर्चामा रहँदै आएको बक्स अफिस मङ्गबार (साउन १ गते)देखि लागू भएको छ।

सञ्चार तथा सूचना प्रविधिमन्त्री गोकुल बाँस्कोटाले चलचित्र विकास बोर्डमा आयोजित एक कार्यक्रमा बक्स अफिसको औपचारिक उद्घाटन गरेका हुन्।

सो अबसरमा मन्त्री बाँस्कोटाले बक्स अफिस लागू भएपछि ‘अनलाइन डाटा’मार्फत चलचित्रको आयको सम्पूर्ण जानकारी प्राप्त हुने र यसले राजस्व संकलनमा राज्यलाई पनि ठूलो मद्दत पुग्ने बताए।

उनले अर्को असार मसान्तभित्र उपत्यका बाहिर पनि बक्स अफिस लागू गर्ने प्रतिवद्धता व्यक्त गरे।

यो पनि पढ्नुहोस :  फिल्म 'शत्रु गते'को ट्रेलर सार्बजनिक

मन्त्री बाँस्कोटाले भने, ‘अब निर्माताले घरघडेरी डुबाउनु पर्ने दिन आउने छैन। कलाकारले आफ्नो मिहिनेतको पारिश्रमिक पाउनेछन्। राज्यलाई कर छल्ने प्रवृतिको अन्त्य हुनेछ। अब चलचित्र क्षेत्रकै अनुहार फेरिनेछ।’

उनले अब हलहरूको वर्गीकरण हुने बताउँदै विदेशी विज्ञापन बन्द गर्ने घोषणा पनि गरे।

त्यस्तै, वक्स अफिस कार्यान्वयन समितिका संयोजक नरेन्द्र महर्जनसहितको बैठकले २०७५ वैशाख १ बाट परीक्षण गर्ने र साउन १ गतेदेखि उपत्यका भित्र लागु गर्ने निर्णय गरेको थियो।

उपत्यकाबाहिर पनि माघ १ गतेसम्म बक्स अफिस कार्यान्वयन हुने समितिका सदस्य तथा नेपाल चलचित्र निर्माता संघका अध्यक्ष आकाश अधिकारीले जनकारी दिए।

Continue Reading

मनोरन्जन

कलाकार राणाको निधन

Pratigya Waiju

Published

on

काठमाडौं— नेपाली चलचित्र क्षेत्रका चर्चित कलाकार बिएस राणाको आज बिहान ७९ वर्षको उमेरमा निधन भएको छ। उहाँको उपचारका क्रममा आज बिहान शिक्षण अस्पताल महाराजगञ्जमा निधन भएको लेखक तथा कलाकार घनश्याम खतिवडाले जानकारी दिनुभयो।

करीब ३० वर्ष बेलायतमा बस्नुभएका राणाले त्यहाँ रहँदा विश्वविख्यात साहित्यका शेक्सपियरका नाटकहरुमा अभिनय गर्नुभएको थियो। राणाले विसं २०४१ देखि नेपाली चलचित्रमा पनि अभिनय शुरु गर्नु भई दर्जनौँ चलचित्रमा अभिनय गर्नुभएको छ।

यो पनि पढ्नुहोस :  कलाकार राणाको निधन

उहाँले अभिनय गरेका दक्षिणा, कोसेली, चिनो, दुई थोपा आँशु, नेपाली बाबु, करोडपति, दर्पण छायाँ–२, सेतो बाघ, हबल्दार, सुन्तली, काफल पाक्यो, सम्बोधन, साथी म तिम्रो, आई एम सरी, दासढुङ्गा, बसन्ती लगायतका चलचित्र तथा दर्जनौँ टेलिचलचित्रमा अभिनय गर्नुभएको छ।

काठमाडौं बूढानीलकण्डका स्थायी बासिन्दा राणा केही समयदेखि ललितपुरको भैँसेपाटीमा बस्दै आउनुभएको थियो। उहाँको श्रीमती र तीन छोरी हुनुहुन्छ। उहाँको छोराको भने केही वर्षअघि नै निधन भइसकेको छ।

Continue Reading
Advertisement Cheap Air fare and package tours!
loading...

LATEST TWEET

Trending